Të rejat në Kerko: statistika dhe aktivitete

Këtë javë Kerko u bë më i dobishëm për ata që duan të kuptojnë tregun dhe jo vetëm të gjejnë një biznes. Statistikat tregojnë si ndryshon regjistri me kalimin e kohës, bizneset mund të shfletohen sipas aktivitetit dhe qytetit, dhe pronarët kanë një panel të ri.

Statistika me ecurinë në kohë#

Faqja e statistikave tani tregon më shumë se numrat e sotëm:

• Ecuria në kohë: sa biznese janë regjistruar çdo vit dhe si ka ndryshuar numri i tyre.
• Ndryshimi neto: sa biznese u hapën dhe sa u mbyllën për çdo vit.
• Mbijetesa: sa biznese janë ende aktive sipas vitit kur u regjistruan.
• Sektorët nëpër rajone: cilat sektorë janë më të fortë në cilin rajon.

kerko.com/statistika/biznese-te-reja

Statistikat e bizneseve në Kosovë

ZonaPrishtinë

Krahaso mePrizren

Periudha2026

Shifrat kryesore për Prishtinën

Biznese aktive

•••

Të reja në 2026

•••

Të mbyllura në 2026

•••

Ende aktive

••%

Biznese të reja për muajShfaq si tabelë

JanShkMarPriMajQerKorGusShtTet

Çdo grafik mund ta shkarkoni si imazh, t'i shkarkoni të dhënat në CSV ose ta ndani me të tjerët. Udhëzuesi Qysh me përdor statistikat i tregon të gjitha.

Kerko në shifra#

Statistikat kanë edhe një skedë të re, Kerko në shifra. Aty shihni sa biznese, persona dhe përdorues ka Kerko, sa numra telefoni, email, webfaqe, adresa, vendndodhje në hartë, foto dhe menu janë mbledhur, si është rritur regjistri dhe sa të plota janë profilet.

Bizneset sipas aktivitetit#

Çdo biznes regjistrohet në ARBK me një ose më shumë kode aktiviteti (kodet NACE). Tani mund t'i shfletoni te Aktivitetet: zgjidhni një kod, si restorantet, dhe shihni të gjitha bizneset e regjistruara me të, të ndara sipas komunës, bashkë me aktivitetet e afërta. Faqja e çdo biznesi i lidh aktivitetet e veta me këto faqe. Për kodet, lexoni Kodet NACE dhe veprimtaritë e biznesit.

Çdo lloj biznesi në çdo qytet#

Çdo qytet tani ka faqen e vet për secilin lloj biznesi, si Gastronomi dhe Hoteleri në Prishtinë. Lidhjet e vjetra të çojnë drejt në faqen e duhur.

Bizneset tregojnë edhe çfarë janë saktësisht, si supermarket, kafene ose barnatore. Në faqet e qyteteve mund t'i ngushtoni sipas këtyre llojeve, dhe kërkimi i gjen kur shkruani p.sh. barnatore.

Kontrolloni një biznes#

Faqja e re Kontrollo biznesin është për kur duhet të dini me kë po punoni: kërkoni sipas emrit, NUI-së ose numrit fiskal dhe shihni statusin në regjistër, pronarët, personat e autorizuar dhe aktivitetet. Më shumë për këtë te Si ta verifikoni një biznes në Kosovë.

Për pronarët e bizneseve#

• Paneli i ri: paneli i biznesit tani ka një faqe për secilën pjesë të profilit: të dhënat e biznesit, kontaktin dhe vendndodhjen, orarin dhe përshkrimin, logon dhe fotot, menunë ose çmimet, rrjetet sociale, ekipin dhe cilësimet. Përmbledhja tregon çka i mungon ende profilit, dhe ndryshimet shfaqen menjëherë.
• Rrjetet sociale: shtoni faqet tuaja në Facebook, Instagram, TikTok, LinkedIn, YouTube dhe X.
• Fotot: zëvendësoni logon ose banerin, rendisni fotot dhe përshkruani secilën.
• A jeni ende të hapur? Nëse një vizitor raporton se biznesi është mbyllur, me një prekje konfirmoni se jeni të hapur.
• Faqja e menusë: menuja ose lista e çmimeve tani ka faqen e vet nën profil (kerko.com/biz/biznesi-juaj/menu), që e gjen edhe Google. Çdo artikull mund ta lidhni me dyqanin tuaj online, faqen e porosive ose të rezervimeve, dhe pranë tij shfaqet butoni Bli, Porosit, Rezervo ose Më shumë. Lidhjet mbeten kur ngarkoni foto të re të menusë.
• Distinktivi për faqen tuaj: te përmbledhja e panelit gjeni një kod që e ngjitni në faqen e internetit të biznesit. Klientët shohin "Verifikuar në Kerko" (ose "Na gjeni në Kerko" para verifikimit) dhe me një klik hapin profilin tuaj.

Për menunë, lexoni Qysh me shtu menunë dhe çmimet. Për panelin, Qysh me ndryshu të dhënat e biznesit.

Lidhjet në rrjete sociale#

Kur ndani një faqe të Kerko në Facebook, WhatsApp ose Viber, lidhja tani tregon imazh të duhur me emrin e faqes.

Të gjitha ndryshimet, me datë, i gjeni te Historiku. Hapni statistikat dhe shikoni si ka ndryshuar biznesi në Kosovë.