Qysh me shtu menunë, shërbimet dhe produktet

Klientët duan ta dinë çka ofroni dhe sa kushton para se t'ju telefonojnë. Tani çdo biznes në Kerko mund ta ketë menunë ose shërbimet dhe çmimet në një faqe të veçantë nën profil, dhe çdo artikull mund ta lidhë me dyqanin e vet online. Pasi të keni verifikuar biznesin, le ta vendosë Filan Fisteku menunë e furrës.

Si duket faqja e menusë#

kerko.com/biz/furra-fisteku/menu

Profili i biznesit

Menuja e Furra Fisteku

Prishtinë · 5 artikuj

Telefono

Torta

• Tortë me çokollatë, e plotëPorosit18,00 €
• Kuti dhuratë për ditëlindjeBli24,00 €

Buka dhe pite

• Bukë misri0,80 €
• Pite me spinaq1,50 €
• Kifle me djathë1,20 €

Faqja ka adresën e vet, p.sh. kerko.com/biz/furra-fisteku/menu, me seksionet, artikujt dhe çmimet. Profili i biznesit tregon artikujt e parë dhe lidhjen Shiko menunë e plotë. Artikujt me lidhje kanë butonin e tyre: Bli, Porosit, Rezervo ose Më shumë.

Udhëtimi hap pas hapi#

1. Hapni biznesin nga Bizneset e Mia

   Klikoni emrin tuaj lart djathtas, zgjidhni Bizneset e Mia dhe hapni biznesin.

2. Hapni "Menuja ose çmimet"

   Është në menynë e biznesit, majtas në kompjuter dhe lart në telefon.

3. Ngarkoni foton e menusë

   Klikoni Ngarko foto të menusë dhe zgjidhni ose bëni një foto (JPG, PNG ose WebP, deri në 10 MB). Brenda një minute i lexojmë artikujt dhe çmimet nga fotoja. Nëse nuk keni foto, klikoni Shto seksion dhe shkruajini vetë.

4. Kontrolloni artikujt pranë fotos

   Fotoja del në njërën anë, artikujt në tjetrën. Rregulloni emrat dhe çmimet, shtoni përshkrime ose hiqni çka nuk duhet.

5. Shtoni lidhjet te produktet

   Nën artikullin klikoni Shto lidhje, zgjidhni butonin (Bli, Porosit, Rezervo ose Më shumë) dhe shkruani adresën e produktit në faqen tuaj, p.sh. furrafisteku.com/torta.

6. Klikoni "Publiko menunë"

   Menuja del menjëherë në profil, në faqen e menusë dhe në kërkim, pa pritur aprovim. Klikoni Shiko faqen e menusë për ta parë si e shohin klientët.

Lidhni produktet me dyqanin tuaj#

kerko.com/dashboard/business/furra-fisteku/menu

PërmbledhjaTë dhënat e biznesitKontakti dhe vendndodhjaOrari dhe përshkrimiLogoja dhe fototMenuja ose çmimetRrjetet sociale

Torta

Tortë me çokollatë, e plotë18,00 €

Porosit ▾furrafisteku.com/torta

Kuti dhuratë për ditëlindje24,00 €

Shto lidhje

Publiko menunë

Kerko nuk merr pagesa dhe nuk ndërmjetëson shitjen. Butoni pranë artikullit e çon klientin te faqja juaj, ku e blen, e porosit ose e rezervon. Zgjidhni butonin sipas asaj që ndodh në atë faqe:

• Bli: produkti blihet online, në dyqanin tuaj ose në një platformë shitjeje.
• Porosit: porositë me dërgesë ose për ta marrë në lokal.
• Rezervo: tavolinë, termin ose shërbim me orar.
• Më shumë: faqja me detaje, foto ose kushte.

Pse ia vlen#

• Gjendeni në kërkim. Kur dikush kërkon një pjatë, një produkt ose një shërbim në Kerko, gjen edhe bizneset që e kanë në menu. Faqja e menusë del edhe në Google.
• Më pak telefonata për çmime. Klientët i shohin çmimet para se të vijnë.
• Shitje te faqja juaj. Çdo klikim te Bli ose Porosit e çon klientin direkt te ju.

Menu apo shërbime?#

Restorantet, kafenetë, furrat dhe lokalet e tjera të ushqimit e shohin si Menuja dhe çmimet. Të gjitha bizneset e tjera, nga frizerët te servisët dhe dyqanet, e shohin si Shërbimet dhe çmimet. Paneli dhe hapat janë të njëjtë.

Kur ndryshon menuja#

Ndryshoni një çmim ose shtoni një artikull te Menuja ose çmimet dhe klikoni përsëri Publiko menunë. Nëse ngarkoni foto të re, artikujt me të njëjtin emër i ruajnë lidhjet. Për ta hequr krejt, klikoni Hiq menunë.

Kush mund ta ndryshojë#

Pronari, administratorët dhe menaxherët e ekipit. Nëse menunë e mban dikush tjetër, ftojeni si Menaxher. Nuk jeni pronar, por e keni menunë e një lokali? Mund ta dërgoni si foto nga profili i biznesit dhe ekipi i Kerko e shqyrton para se të dalë.

Pas menusë, plotësoni edhe fotot dhe logon dhe orarin e punës.