Të rejat në Kerko
Të rejat në Kerko: përmirësoni çdo profil
Kushdo me llogari tani mund të plotësojë ose korrigjojë profilin e një biznesi, të fitojë pikë për të dhe të ndjekë udhëzuesit e rinj Qysh me.
Ekipi i Kerko · · 3 min lexim
Në këtë faqe
Profilet e bizneseve në Kerko nisin nga të dhënat e regjistrit zyrtar (ARBK): emri, statusi, pronarët dhe aktivitetet. Ajo që shpesh mungon është pikërisht ajo që klientët kërkojnë më shumë: numri i telefonit, orari i punës ose një foto e lokalit. Këtë javë e bëmë të thjeshtë që kushdo që e njeh një biznes ta plotësojë profilin e tij.
Lapsi pranë çdo të dhëne
Në çdo profil biznesi, pranë telefonit, adresës, emailit, uebfaqes dhe përshkrimit ka tani një laps. Klikoni atë, shkruani vlerën e saktë dhe dërgojeni. Formulari hapet aty ku është e dhëna, pa ju çuar në një faqe tjetër.
Furra Fisteku SH.P.K.
Informacione Kontakti
Telefoni
+383 44 000 000
Shto atë që mungon
Provojeni: klikoni lapsin pranë telefonit.
Karta e kontaktit tregon edhe çfarë i mungon profilit, si numri i telefonit ose orari, bashkë me pikët që vlen secila. Një klikim mjafton për ta shtuar. Mund të shtoni edhe një foto, ose të shtoni dhe korrigjoni një pronar apo person të autorizuar.
Ekipi ynë e shqyrton çdo sugjerim para se të dalë në profil. Edhe faqet e personave mund të përmirësohen: rregulloni si shkruhet një emër ose roli në një biznes, ose shtoni një biznes që mungon.
Udhëzuesi Qysh me kontribu i tregon të gjitha hapat me radhë.
Pikë për çdo kontribut
Çdo kontribut i aprovuar sjell pikë, sipas asaj që i shton profilit:
- Biznes i ri: +20
- Foto: +8
- E dhënë që mungon: +5
- Korrigjim: +2
Me pikët ngjiteni në pesë nivele, nga Fillestar te Kontribues, Aktiv, Ekspert dhe Mjeshtër. Faqja Kontribuesit tregon renditjen e këtij muaji dhe të të gjitha kohërave, si dhe tre të parët e çdo muaji të kaluar.
Renditja për tetor 2026
Këtë muajTë gjitha kohërat- 1Fatime F.11 të aprovuara64pikë
- 2Arben A.8 të aprovuara51pikë
- 3Drita D.7 të aprovuara45pikë
- 4Filan F.6 të aprovuara43pikë
Udhëzues hap pas hapi
Në blog shtuam udhëzuesit Qysh me. Ata tregojnë si të gjeni një biznes, të hapni llogari, të verifikoni dhe ndryshoni biznesin tuaj, të shtoni foto dhe orarin, të ftoni ekipin dhe ta mbani llogarinë të sigurt. Secili udhëzues tregon ekranet e Kerko ashtu siç do t'i shihni.
Të gjithë janë bashkë në faqen Qysh me. Nëse keni një biznes, filloni me Qysh me verifiku biznesin dhe Qysh me shtu foto dhe logo.
Kushtet dhe privatësia
Publikuam edhe Kushtet e përdorimit dhe Politikën e privatësisë të reja. Ato tregojnë kush e drejton Kerko, si kontribuojnë bizneset dhe përdoruesit, si kontrollohet çdo ndryshim me të dhënat e ARBK-së dhe cilat të dhëna personale përpunojmë.
Gjeni një biznes që e njihni në katalogun e bizneseve dhe shtoni atë që i mungon.
Pyetje të shpeshta
A më duhet llogari për të sugjeruar një ndryshim?
Po. Llogaria është falas dhe na lejon t'ju njoftojmë kur sugjerimi juaj aprovohet.
Kur shfaqet sugjerimi im në profil?
Pasi ta shqyrtojë ekipi i Kerko. Deri atëherë, pranë së dhënës shihni shenjën që sugjerimi është dërguar.
Sa pikë fitoj për një kontribut?
Pas aprovimit: +20 për një biznes të ri, +8 për një foto, +5 për çdo të dhënë që mungon dhe +2 për një korrigjim.
A mund të sugjeroj ndryshime për çdo biznes?
Po, për çdo biznes që nuk ka ende pronar të verifikuar. Kur pronari e verifikon biznesin, profilin e mban ai vetë.
- Të rejat në Kerko
- Profili i biznesit
