Qysh me
Qysh me ftu ekipin në Kerko
Si i ftoni kolegët ta menaxhojnë profilin e biznesit në Kerko, çka mund të bëjë secili rol dhe si pranohet ftesa me email.
Andi B. · · 2 min lexim
Në këtë faqe
Profili i biznesit nuk duhet të varet nga një person i vetëm. Kur ftoni ekipin, kush e di orarin e ri e përditëson orarin, kush bën fotot i ngarkon vetë dhe ju mbani kontrollin mbi pronësinë. Filan Fisteku do ta ftojë motrën, Fatime Fistekun, që e udhëheq furrën gjatë fundjavës.
Çka ju duhet
- Një biznes të verifikuar në Kerko, ku jeni pronar, administrator ose menaxher.
- Emailin e kolegut.
Udhëtimi hap pas hapi
Hapni biznesin te "Bizneset e Mia"
Nga menyja e profilit zgjidhni Bizneset e Mia dhe klikoni biznesin.
Shkoni te skeda "Ekipi"
Aty shihni kush e menaxhon biznesin dhe ftesat që ende presin.
Klikoni "Fto Anëtar"
Shkruani emailin, emrin (opsional) dhe zgjidhni rolin.
Kolegu e pranon ftesën
I vjen një email nga Kerko. Klikon Prano ftesën, hyn ose krijon llogari dhe biznesi i shfaqet te paneli.
Ekipi
Fto AnëtarFilan Fisteku
Fatime Fisteku
Cili rol për kë?
| Roli | Çka mund të bëjë | Për kë |
|---|---|---|
| Pronar | Gjithçka, përfshirë transferimin e pronësisë | Pronari ligjor |
| Administrator | Gjithçka përveç transferimit të pronësisë | Bashkëpronari ose menaxheri i përgjithshëm |
| Menaxher | Ndryshon të dhënat dhe fton përdorues | Kush kujdeset për profilin çdo ditë |
| Punëtor | Shikon informacionin, ekipin dhe analizat | Stafi që duhet të jetë në dijeni |
| Shikues | Vetëm lexim | Kontabilisti ose konsulenti |
Çka i vjen kolegut
Përshëndetje,
Filan Fisteku ju ftoi të bashkoheni me Furra Fisteku SH.P.K. në Kerko.com si Menaxher.
Prano ftesën
Nëse nuk keni llogari në Kerko.com, regjistrohuni me këtë adresë email-i ([email protected]) para se ta pranoni ftesën.
Nëse kolegu nuk ka llogari, faqja e ftesës i ofron hyrjen ose krijimin e llogarisë. Duhet të përdorë të njëjtin email ku i erdhi ftesa. Pas pranimit ridrejtohet te paneli dhe e sheh biznesin.
Ndryshimi i rolit ose heqja nga ekipi
Te skeda Ekipi, pronari ose administratori mund ta ndryshojë rolin e çdo anëtari ose ta heqë nga ekipi. Ftesat e papranuara mund t'i ridërgoni ose t'i anuloni. Kur dikush largohet nga biznesi, hiqeni menjëherë: qasja e tij mbyllet sapo ta konfirmoni.
Pastaj, me ekipin në vend, shihni Qysh me ndryshu të dhënat e biznesit.
Pyetje të shpeshta
Sa kohë vlen ftesa?
7 ditë. Nëse skadon, ridërgojeni nga lista e ekipit me "Ridërgo".
A duhet që kolegu të ketë llogari në Kerko?
Jo paraprakisht. Para se ta pranojë ftesën, duhet të regjistrohet ose të hyjë me të njëjtin email në të cilin i erdhi ftesa.
Kush mund të ftojë anëtarë të rinj?
Pronari, administratorët dhe menaxherët. Vetëm pronari dhe administratorët mund t'u ndryshojnë rolin ose t'i heqin anëtarët.
A mund ta kalojë dikush tjetër pronësinë e biznesit?
Jo. Transferimi i pronësisë mbetet vetëm te pronari, edhe për administratorët.
- Qysh me
- Profili i biznesit