Qysh me
Qysh me ndryshu fjalëkalimin në Kerko
Ndryshoni fjalëkalimin e Kerko nga profili, kur e dini atë aktual. Hap pas hapi, me çka të bëni nëse dyshoni se dikush tjetër e di.
Andi B. · · 2 min lexim
Në këtë faqe
Një fjalëkalim i vjetër, i njëjtë me atë të emailit ose i ndarë me dikë që nuk punon më me ju: këto janë arsyet më të shpeshta për ta ndryshuar. Kur e dini fjalëkalimin aktual, ndryshimi zgjat më pak se një minutë. Le ta bëjë Filan Fisteku, që e kishte dhënë fjalëkalimin dikur për një punëtor sezonal.
Udhëtimi hap pas hapi
Hapni profilin
Kur jeni të kyçur, klikoni emrin tuaj lart djathtas dhe zgjidhni Profili.
Gjeni kartën Siguria
Në anën e djathtë (në telefon më poshtë) është karta Siguria me dy rreshta: verifikimi me dy hapa dhe fjalëkalimi.
Klikoni "Ndrysho" te Fjalëkalimi
Hapet dritarja Ndrysho fjalëkalimin.
Shkruani fjalëkalimin aktual dhe të riun
Plotësoni Fjalëkalimi aktual, Fjalëkalimi i ri dhe Përsërit fjalëkalimin e ri, pastaj klikoni Ruaj.
Konfirmimi
Lart ju shfaqet Fjalëkalimi u ndryshua. Herën tjetër hyni me fjalëkalimin e ri.
Si duket
Karta Siguria në profil:
Siguria
Mbroni hyrjen në llogarinë tuaj.
- Verifikimi me dy hapa JoaktivKod nga aplikacioni i autentifikimit në çdo hyrje.Aktivizo
- FjalëkalimiNdryshojeni rregullisht.Ndrysho
Dhe dritarja ku e shkruani fjalëkalimin e ri:
Siguria
Mbroni hyrjen në llogarinë tuaj.
- Verifikimi me dy hapa JoaktivKod nga aplikacioni i autentifikimit në çdo hyrje.Aktivizo
- FjalëkalimiNdryshojeni rregullisht.Ndrysho
Ndrysho fjalëkalimin
Dyshoni se dikush tjetër e dinte fjalëkalimin?
Ndryshimi i fjalëkalimit nuk i nxjerr automatikisht pajisjet e tjera. Pasi ta ndryshoni, në të njëjtën faqe zbritni te Sesionet aktive dhe klikoni Mbyll sesionet e tjera. Filani e bën këtë menjëherë, që punëtori i dikurshëm të mos mbetet i kyçur në ndonjë telefon. Hapat e plotë: Qysh me dal nga pajisjet e tjera.
Një fjalëkalim i mirë
- Së paku 8 karaktere; një fjali e shkurtër është më e lehtë për t'u mbajtur mend dhe më e vështirë për t'u gjetur.
- Mos e përdorni askund tjetër, sidomos jo për emailin.
- Mos e ndani me ekipin: ftojini kolegët me llogarinë e tyre.
- Për mbrojtje edhe më të mirë, aktivizoni verifikimin me dy hapa.
E keni harruar fjalëkalimin aktual? Atëherë ju duhet Qysh me resetu fjalëkalimin.
Pyetje të shpeshta
Kam harruar fjalëkalimin aktual. Si ta ndryshoj?
Pa fjalëkalimin aktual përdorni rivendosjen me kod nga faqja e hyrjes, te "Harruat fjalëkalimin?".
A dal nga pajisjet e tjera kur e ndryshoj fjalëkalimin?
Jo. Pajisjet ku jeni të kyçur mbeten të kyçura. Nëse dyshoni për diçka, mbyllni sesionet e tjera nga profili, te "Sesionet aktive".
Sa i gjatë duhet të jetë fjalëkalimi?
Së paku 8 karaktere. Më mirë një fjali e shkurtër që e mbani mend dhe nuk e përdorni askund tjetër.
Hyj me Google. A kam fjalëkalim në Kerko?
Jo, dhe nuk keni nevojë. Hyrja me Google ose Facebook funksionon pa fjalëkalim të Kerko.
- Qysh me
- Llogaria