Qysh me
Qysh me aktivizu verifikimin me dy hapa
Si e mbroni llogarinë në Kerko me një kod nga aplikacioni i autentifikimit, si hyni me të dhe si e çaktivizoni nëse e ndërroni telefonin.
Andi B. · · 2 min lexim
Në këtë faqe
Një fjalëkalim mund të vidhet, të merret me mend ose të rrjedhë nga një faqe tjetër. Me verifikimin me dy hapa, edhe kush e di fjalëkalimin tuaj nuk mund të hyjë pa telefonin tuaj. Për kë menaxhon profilin e një biznesi, kjo është mbrojtja më e thjeshtë dhe më e fortë. Filan Fisteku e aktivizon për llogarinë me të cilën menaxhon furrën.
Çka ju duhet
- Një llogari në Kerko dhe fjalëkalimin e saj.
- Një aplikacion autentifikimi në telefon (Google Authenticator, Microsoft Authenticator, Authy ose të ngjashëm).
Udhëtimi hap pas hapi
Hapni Profilin
Klikoni emrin tuaj lart djathtas dhe zgjidhni Profili.
Te "Siguria", aktivizoni
Te seksioni Siguria, pranë Verifikimi me dy hapa, klikoni Aktivizo verifikimin me dy hapa dhe konfirmoni me fjalëkalim.
Skanoni kodin QR
Hapni aplikacionin e autentifikimit, zgjidhni shtimin e një llogarie dhe skanoni kodin QR që shfaqet në Kerko.
Shkruani kodin 6-shifror
Aplikacioni tregon një kod që ndryshon çdo 30 sekonda. Shkruani kodin aktual në Kerko për ta konfirmuar.
Gati
Shihni mesazhin Verifikimi me dy hapa është aktiv. Nga tani, në pajisje të reja Kerko ju kërkon edhe kodin.
Konfiguro verifikimin me dy hapa
Skanoni kodin QR me aplikacionin e autentifikimit (Google Authenticator, Authy etj.).
Si hyni pas aktivizimit
Pasi të shkruani emailin dhe fjalëkalimin, Kerko ju kërkon kodin nga aplikacioni. Hapni aplikacionin, shkruani kodin aktual dhe vazhdoni. Në kompjuterin tuaj mund të zgjidhni Më mbaj mend (30 ditë), që të mos e shkruani kodin çdo herë.
Autentifikimi Dy-Faktor
Vendosni kodin 6-shifror nga aplikacioni i autentifikimit
Kur ndërroni telefonin
Kodet jetojnë vetëm në telefonin ku e keni skanuar kodin QR. Para se ta ndërroni ose ta rivendosni telefonin:
- Hyni në Kerko dhe hapni Profili.
- Te Siguria klikoni Çaktivizo verifikimin me dy hapa dhe konfirmoni.
- Aktivizojeni sërish dhe skanoni kodin QR me telefonin e ri.
Nëse e keni humbur telefonin dhe nuk mund të hyni, kontaktoni mbështetjen e Kerko nga emaili i llogarisë.
Masa të tjera të thjeshta
- Përdorni një fjalëkalim që nuk e keni në asnjë faqe tjetër. Nëse e keni harruar: Qysh me resetu fjalëkalimin.
- Te Profili shihni pajisjet ku jeni të kyçur dhe mbyllni ato që nuk i njihni.
- Jepini kolegëve llogari të vetat me role të kufizuara në vend se të ndani fjalëkalimin: Qysh me ftu ekipin.
Pyetje të shpeshta
Cilin aplikacion duhet ta përdor?
Çdo aplikacion autentifikimi që punon me kode 6-shifrore, p.sh. Google Authenticator, Microsoft Authenticator ose Authy.
A më duhet kodi sa herë që hyj?
Vetëm në pajisje të reja. Nëse zgjidhni "Më mbaj mend (30 ditë)", ajo pajisje nuk e kërkon kodin për 30 ditë.
Ndërrova telefonin. Çka të bëj?
Para se ta fshini telefonin e vjetër, çaktivizoni verifikimin me dy hapa te Profili dhe aktivizojeni sërish me telefonin e ri.
A është i detyrueshëm verifikimi me dy hapa?
Jo, por e rekomandojmë për këdo që menaxhon një biznes në Kerko.
- Qysh me
- Llogaria