Qysh me
Qysh me kërku fshirjen e një biznesi
Biznesi është mbyllur ose profili nuk duhet të jetë në Kerko? Si dërgoni kërkesë për fshirje, nga profili publik ose nga paneli i pronarit.
Andi B. · · 2 min lexim
Në këtë faqe
Nganjëherë një profil biznesi nuk duhet të jetë më në Kerko: biznesi është mbyllur prej vitesh, është regjistruar gabimisht ose ka arsye privatësie. Kërkesën e dërgoni nga dy vende dhe ekipi i Kerko e shqyrton para se të ndodhë diçka. Filan Fisteku e mbylli furrën në shtator dhe nuk do që klientët të vazhdojnë ta kërkojnë.
Dy rrugë
| Rruga | Kush mund ta përdorë | Çka ju duhet |
|---|---|---|
| Lidhja në fund të profilit | Kushdo | Arsyeja dhe emaili juaj |
| Cilësimet në panelin e biznesit | Pronari i verifikuar | Arsyeja |
Nga profili publik
Hapni profilin e biznesit
Gjeni biznesin në kërkim dhe hapni profilin.
Zbritni në fund dhe klikoni "Kërko fshirjen e këtij biznesi"
Lidhja është nën datën kur profili u përditësua së fundi.
Shkruani arsyen dhe emailin
Arsyeja duhet të ketë së paku 10 karaktere. Emaili përdoret vetëm për t'ju njoftuar për vendimin. Emri është opsional.
Klikoni "Dërgo kërkesën"
Shfaqet konfirmimi: Kërkesa u dërgua. Do t'ju njoftojmë me email kur të shqyrtohet.
Përditësuar së fundi 12.10.2026
Kërko fshirjen e këtij biznesiKërkesë për fshirjen e biznesit
Po kërkoni fshirjen e profilit "Furra Fisteku SH.P.K." nga Kerko.com. Kërkesa shqyrtohet nga ekipi ynë dhe asgjë nuk fshihet automatikisht.
Kerko.com pasqyron të dhëna publike nga ARBK. Fshirja këtu nuk e ndryshon regjistrin zyrtar.
Nga paneli, si pronar
Nëse e keni verifikuar biznesin, hapeni nga Bizneset e Mia, shkoni te skeda Cilësimet dhe te Zona e Rrezikshme klikoni Kërko Fshirjen e Biznesit. Shkruani arsyen dhe klikoni Dërgo Kërkesën.
Zona e Rrezikshme
Kërkesa do të shqyrtohet nga administratori para se të kryhet.
Kërko Fshirjen e Biznesit
Kërkesa juaj do të shqyrtohet nga administratori. Biznesi nuk do të fshihet derisa të aprovohet kërkesa.
Minimumi 10 karaktere.
Çka ndodh pas kërkesës
- Ekipi i Kerko e shqyrton kërkesën.
- Nëse aprovohet, profili hiqet nga Kerko: nuk del më në kërkim, në listat e komunave dhe në sitemap.
- Ju vjen një email me vendimin. Nëse keni llogari, e shihni edhe te Njoftimet.
Fshirja në Kerko nuk e mbyll biznesin ligjërisht. Për këtë shihni Mbyllja e biznesit në Kosovë.
Vetëm një gabim në profil?
Nëse biznesi ekziston, por ka një telefon të gabuar ose adresë të vjetër, nuk ka nevojë ta fshini. Sugjeroni korrigjimin ose, si pronar, ndryshoni të dhënat vetë. Nëse doni të hiqni vetëm emrin tuaj: Qysh me kërku fshirjen e emrit tënd.
Pyetje të shpeshta
A fshihet biznesi menjëherë?
Jo. Çdo kërkesë e shqyrton ekipi i Kerko dhe asgjë nuk fshihet automatikisht. Ju njoftojmë me email kur të vendosim.
A fshihet biznesi edhe nga ARBK?
Jo. Kerko pasqyron të dhëna publike nga ARBK dhe fshirja këtu nuk e ndryshon regjistrin zyrtar. Për mbylljen ligjore duhet të aplikoni në ARBK.
A duhet të kem llogari për të kërkuar fshirjen?
Jo. Lidhja në fund të profilit publik kërkon vetëm arsyen dhe emailin tuaj. Pronarët e verifikuar mund ta kërkojnë edhe nga paneli.
Dua të heq vetëm emrin tim, jo gjithë biznesin. Çka bëj?
Kjo është një kërkesë tjetër, pranë emrit tuaj te pronarët. Shihni udhëzuesin për fshirjen e emrit.
- Qysh me
- Privatësia